15-17 снежня ў Оршы адбудзецца міжнародная навукова-практычная канферэнцыя па метадзе распазнавання плоднасці. Арганізатар канферэнцыі — Дабрачынны фонд «Адкрытыя сэрцы», член Еўрапейскага інстытута сямейнай адукацыі (ЕІСА-EIFLE).
Канферэнцыя ў першую чаргу прызначана для настаўнікаў МРП (метаду распазнавання плоднасці) і сямейных кансультантаў. Таксама мерапрыемства будзе карысным для сужэнскіх пар з паніжанай плоднасцю, якія валодаюць асновамі МРП. Па выніках канферэнцыі будзе выдавацца сертыфікат.
Асаблівасцю гэтай канферэнцыі стане абмен вопытам паміж беларускімі, расійскімі і французскімі спецыялістамі па МРП, а таксама абмеркаванне плану стварэння беларуска-расійскай Асацыяцыі настаўнікаў натуральнага планавання сям’і.
Пражыванне і харчаванне будуць забяспечаны на базе парафіяльнага дома. Усе даведкі і запіс па тэлефонах: +375 29 306 22 22, +375 29 812 22 76; e-mail: prolife.belarus@gmail.com
Дакладчыкі канферэнцыі:
- Людміла Баракава (Санкт-Пецярбург), урач акушэр-гінеколаг, інструктар МРП
- Уладзіслаў Валаховіч (Магілёў), доктар тэалогіі, інструктар МРП
- Рэнэ Экошар (Ліён, Францыя), MD, прафесар Ліёнскага медыцынскага ўніверсітэта
- Ізабэль Экошар (Ліён), MD, урач, напратэхнолаг
- Вольга Несцерава (Гомель), акушэр-гінеколаг, настаўнік МРП
- Алена Назарава (Масква), настаўнік МРП
З праграмай канферэнцыі можна азнаёміцца па спасылцы.
