![](/3/images/news/2017/10/6752/2017-10-19-gsraf1wp.jpg)
4-6 лістапада ў Жодзіне пройдзе другая сустрэча хрысціянскіх музыкантаў. «Грай Пану» — адмысловая музычная майстэрня для тых, хто займаецца музыкай, праслаўляючы Бога.
Зарэгістравацца на ўдзел у сустрэчы можна ТУТ››
Ініцыятыва, якую распачалі ўдзельнікі евангелізацыйнага праекта «Рыбы», знайшла свой працяг. Першая сустрэча адбылася ў Жодзіне 10-12 сакавіка.
Што такое «#ГрайПану»?
Гэта праект па духоўнай і прафесійнай фармацыі музыкантаў. Мэта сустрэч — аб’яднаць хрысціянскіх музыкантаў, стварыць падмурак для ўзаемадапамогі і супрацоўніцтва, знайсці аднадумцаў і чэрпаць натхненне адно ў аднаго.
![](/3/images/news/2017/10/6752/2017-10-19-s4bghnwz.jpg)
Падчас майстэрні асобныя заняткі праводзяцца не толькі з вакалістамі, але і з музыкантамі — асобна з барабаншчыкамі, клавішнікамі і гітарыстамі.
Акрамя музыкантаў, на #ГрайПану запрашаюцца прадстаўнікі СМІ, хрысціянскія блогеры і ўсе зацікаўленыя.
Дзе?
Сустрэча будзе праходзіць у памяшканні жодзінскага касцёла Маці Божай Фацімскай (г. Жодзіна, праспект Венісье, 1). Начлег і харчаванне забяспечваюць мясцовыя парафіяне.
Калі?
Пачатак 4 лістапада ў 16.00, заканчэнне — 6 лістапада ў 17.00. Кульмінацыя з’езду — святая Імша 6 лістапада ў 15.00.