29 кастрычніка ў Ракаве і 11 лістапада ў Бабруйску тры навучэнцы Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску прымуць дыяканскае пасвячэнне.
29 кастрычніка ў 10.00 у касцёле Найсвяцейшай Панны Марыі Ружанцовай у Ракаве арцыбіскуп Тадэвуш Кандрусевіч, Мітрапаліт Мінска-Магілёўскі, удзеліць дыяканскае пасвячэнне семінарыстам Яўгенію Баланёву і Андрэю Бураку.
11 лістапада ў 12.00 у касцёле Беззаганнага Зачацця Найсвяцейшай Панны Марыі ў Бабруйску біскуп Аляксандр Яшэўскі SDB, біскупскі вікарый для Магілёва і Магілёўскай вобласці, удзеліць дыяканскае пасвячэнне семінарысту Паўлу Сідарэнку.
Яўгеній Баланёў нарадзіўся 7 лістапада 1972 года ў горадзе Вялікі Камень (Расійская Федэрацыя). Андрэй Бурак нарадзіўся 22 мая 1989 года ў Мінску. Павел Сідарэнка нарадзіўся 1 ліпеня 1994 года ў Бабруйску. У дадзены момант кандыдаты ў дыяканы вучацца на шостым курсе семінарыі ў Пінску.
