3 кастрычніка Мітрапаліт Мінска-Магілёўскі арцыбіскуп Юзаф Станеўскі прызначыў новага пробашча парафіі Беззаганнага Зачацця Найсвяцейшай Панны Марыі ў Бабруйску.
Ім стаў ксёндз Андрэй Таўрук, які раней нёс душпстырскае служэнне ў Віцебскай дыяцэзіі.
Адпаведны дэкрэт аб прызначэнні на падставе кан. 523 Кодэкса кананічнага права, падпісаны арцыбіскупам Станеўскім і Генеральным вікарыем Мінска-Магілёўскай архідыяцэзіі біскупам Юрыем Касабуцкім быў апублікаваны ў дзень прызначэння на сайце архідыяцэзіі Catholicminsk.by.
