Пошук


12.10.2017 11:56   Catholic.by

Хрысцiянскi кiнаклуб «Рэха» ў Мінску запрашае на першую восеньскую сустрэчу. 15 кастрычнiка а 19-й гадзiне ў мінскім касцёле Узвышэння Святогa Крыжа (Кальварыйскi праезд, 1) адбудзецца прагляд дакументальнай стужкі «Фаціма».

Фiльм распавядае пра аб'яўленні Маці Божай тром маленькім пастухам – Люцыі, Франсішку і Жасінце. Падзеі адбываліся ў маі – кастрычніку 1917 года ў партугальскiм мястэчку Фаціма. Стужка асаблiвую ўвагу звяртае на лёс дзяцей, iх ахвярнасць i самаадданасць. «Іх святасць узнікла не ў выніку аб’яўленняў, а дзякуючы вернасці і руплівасці, з якімі яны адказалі на атрыманы прывілей — магчымасць бачыць Панну Марыю», – сказаў падчас кананiзацыi Франсішка і Жасінты 13 мая 2017 г. папа Францiшак.

Паглядзець фiльм, каб даведацца больш пра юных святых i пра падзеi, якiя адбылiся 100 гадоў таму, запрашаюцца ўсе жадаючыя.

Абноўлена 12.10.2017 12:13
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця