Госцем чарговай Малітоўнай сустрэчы моладзі ў Івянцы, якая пройдзе з 28 па 30 ліпеня, стане вядомы ўкраінскі гурт «Кана».
«Кана» — хрысціянскі гурт, які існуе з 2005 года і складаецца з людзей, што жывуць музыкай і Богам. Музыка гурта — гэта сумесь фольк-року і поп-музыкі, узбагачаная джазавымі элементамі.
Значны ўплыў на музычнае развіццё гурта зрабіў знакаміты польскі гурт NewLife’m, прадстаўнікі якога ўжо не раз прымалі ўдзел у Музычнай майстэрні ў Івянцы.
Акрамя канцэртных выступаў ва Украіне і за яе межамі, гурт запісвае сінглы, кліпы і альбомы, займаецца фармацыяй маладых музыкаў і праводзіць разнастайныя майстар-класы. Пазнаёміцца з творчасцю «Каны» можна ТУТ››
Хто яшчэ?
Выступленне «Каны» дапоўніць праграму моладзевай сустрэчы ў Івянцы. Нагадаем, сёлета там выступіць францішканскі семінарыйны гурт Pokój i dobro, а таксама польскі джазмен і евангелізатар Ян Будзяшак.
Зарэгістравацца на ўдзел можна па спасылцы››
Малітоўная сустрэча ў Івянцы для моладзі ў гэтым годзе пройдзе 28–30 ліпеня пад дэвізам «Вялікія рэчы ўчыніў нам Пан». На форум, які арганізоўваецца ўжо ў дзявяты раз, запрашаецца моладзь з усіх дыяцэзій Беларусі.
