23 лістапада ў Мінску пройдзе Другая хрысціянская IT-канферэнцыя, якая будзе прысвечана штучнаму інтэлекту.
Арганізатары форуму прапануюць пошук на наступныя пытанні: штучны інтэлект (ШI) — гэта праблема сучаснасці або спосаб вырашэння праблем? тэхналогіі штучнага інтэлекту ахопліваюць усё больш сфер дзейнасці, але як хрысціяніну выкарыстаць інавацыі, ці можа ШІ дапамагчы ў служэнні?
Арганізатары запрашаюць да ўдзелу ўсіх, хто імкнецца жыць хрысціянскімі каштоўнасцямі і прафесійна развіваецца ў лічбавым асяроддзі: ІТ-спецыялістаў, стваральнікаў медыякантэнту, духавенства і тых, хто служыць і выкарыстоўвае тэхналогіі ў служэнні.
Тэма канферэнцыі — штучны інтэлект для жыцця і служэння.
Мерапрыемства распачнецца святой Імшой. Потым адбудзецца серыя дакладаў ад спікераў, якія падзеляцца сваімі ведамі і досведам выкарыстання штучнага інтэлекту.
Сёлета ўдзельнікаў чакае новы інтэрактыўны фармат — практычныя майстар-класы, дзе разам яны змогуць на практыцы ўжыць ШІ для вырашэння задач, задаць свае пытанні. Заключнай часткай канферэнцыі стане дыскусійная панэль, дзе ўдзельнікі абмяркуюць, як тэхналогія ХХІ стагоддзя паўплывае на будучыню і якое месца чалавека ў ёй.
Праграма канферэнцыі
- 9.00 — рэгістрацыя
- 10.00 — святая Імша
- 11.00 — «Ад вытокаў да ШІ: Падарожжа машыннага навучання і яго ўжыванне ў генерацыі выяваў і моўных мадэлях», Мікалай Канавальчук
- 12.00 — даклад «Дзённік святара: выкарыстанне ШІ-душпастырства і духоўнага жыцця» — ксёндз Яўген Шымановіч
- 13.00 — абед
- 14.30 — паралельныя ўоркшопы
- «Блог — універсальны сродак камунікацыі», Віталь Грышкевіч
- «ШI у праслаўленні, або калі хочаш спяваць, але не ўмееш», Мікалай Буры
- «Як тэставаць API выкарыстоўваючы ШI? Досвед праекту imsha.by», Андрэй Місан, Віктар Місан
- 16.00 — даклад «Не LLM адзіным: хAI і Семантычны Асацыятыўны Кампутар як будучыня зразумелага ШІ», Томас Грунэвальд
- 17.00 — дыскусійная панэль «AI in Our Side?», Андрэй Місан, кс. Андрэй Рылка, Томас Грунэвальд
- 18.00 — час для нэтўоркінга
Арганізатары запрашаюць да ўдзелу для абмеркавання і абмену ведамі, а таксама пошуку новых шляхоў для служэння з дапамогай тэхналогій.
- Абавязковая анлайн-рэгістрацыя ТУТ>>>
Пра тое, як прайшла першая хрысціянская ІТ-канферэнцыя, можна даведацца ТУТ>>>
