25 і 26 кастрычніка адбудзецца суботнік для ахвотных валанцёраў з усёй Беларусі, мэта якога — расчысціць руіны каталіцкай святыні каля вёскі Сулятычы, што пад Навагрудкам (Гродзенская дыяцэзія).
Паводле звестак, раней тут існаваў касцёл і дзейнічала каталіцкая парафія. Захаваліся толькі руіны святыні — касцёла ці капліцы, — пабудаванай, верагодна, на пачатку ХІХ стагоддзя ва ўнікальным для Беларусі егіпецкім архітэктурным стылі. Святыня была зруйнавана ў гады ваяўнічага атэізму.
Для ўсіх неабыякавых людзей ёсць унікальная магчымасць зрабіць добрую справу — уратаваць ад забыцця святое месца і помнік гістарычнай архітэктурнай спадчыны нашай краіны.
Прыехаць папрацаваць можна на абодва дні або на адзін з прапанаваных дзён. З сабой неабходна ўзяць які-небудзь працоўны інструмент: бензапілу, сякеру, звычайную пілу, граблі, трымер з кругам (з лескай не трэба), торбы для смецця і г.д.
Суботнік праводзіцца сумесна з супрацоўнікамі і валанцёрамі «Радыё Марыя» Беларусь.
- Паведаміць пра ўдзел і атрымаць дадатковую інфармацыю можна па тэл.:
+375 (44) 771 99 83 – Марына
