Сусветны дзень хоспіснай і паліятыўнай дапамогі праводзіцца ў другую суботу кастрычніка, якая сёлета прыпадае 12 кастрычніка, і ў гэты дзень у касцёлах і цэрквах Гродна і Мінска пройдуць адмысловыя набажэнствы.
Арганізатарам мерапрыемстваў з’яўляецца Сусветны альянс паліятыўнай дапамогі (The Worldwide Palliative Care Alliance — WPCA). У Альянс уваходзяць нацыянальныя і рэгіянальныя арганізацыі, якія падтрымліваюць развіццё хоспіснай і паліятыўнай дапамогі ва ўсім свеце.
У Беларусі адным з арганізатараў мерапрыемстваў з’яўляецца «Цэнтр дапамогі жыццю» — дабрачынны фонд паліятыўнай дапамогі дарослым. Адмысловыя набажэнствы ў гэты дзень адбудуцца ў Гродне і Мінску.
Па вызначэнні Сусветнай арганізацыі аховы здароўя, паліятыўная дапамога з’яўляецца падыходам, што паляпшае якасць жыцця пацыентаў, якія сутыкнуліся з небяспечнай для жыцця хваробай, і іх сем’яў шляхам палягчэння болю і кіравання іншымі сімптомамі, што прыносяць пакуты і падрываюць сілы. Паліятыўную дапамогу належыць аказваць з моманту пастаноўкі дыягназу небяспечнай для жыцця хваробы і на ўсім працягу хваробы.
- Гродна
- 8.00 – служба і паніхіда
храм святога роўнаапостальнага князя Уладзіміра (вул. Перамогі, 5) - 15.00 – усебеларускі звон памяці і малітвы з капліцы святых апосталаў Пятра і Паўла гродзенскага касцёла Найсвяцейшай Панны Марыі Вастрабрамскай, Маці Міласэрнасці; трансляцыя звону будзе весціся анлайн на Instagram-старонцы фонду
- 19.00 – святая Імша
касцёл Найсвяцейшай Панны Марыі Вастрабрамскай, Маці Міласэрнасці (вул. Рэпіна, 2)
- 8.00 – служба і паніхіда
- Мінск
- 19.00 – святая Імша
касцёл святога Яна Евангеліста і святога Максіміліяна Марыі Кольбэ (вул. Матусевіча, 80)
- 19.00 – святая Імша
Таксама ў гэты дзень з 20.00 да 22.00 адбудзецца традыцыйнае запальванне свечак у дамах на знак памяці.
Арганізатары запрашаюць на супольную малітву калег, родных і блізкіх падапечных «Цэнтра дапамогі жыццю».
