5 кастрычніка, у першую суботу Ружанцовага месяца і дзень літургічнага ўспаміну святой Фаўстыны Кавальскай, у Нацыянальным санктуарыі Маці Божай Будслаўскай пройдзе першая сустрэча ў межах малітоўнай падрыхтоўкі да прысвячэння Мінска-Магілёўскай Мітраполіі Божай Міласэрнасці і Беззаганнаму Сэрцу Марыі з нагоды Юбілейнага года хрысціянства і 90-годдзя Вяночка да Божай Міласэрнасці.
Гэтая падрыхтоўка адбываецца ў адпаведнасці з Пасланнем і Распараджэннем Мітрапаліта Мінска-Магілёўскага арцыбіскупа Юзафа Станеўскага ад 27 верасня 2024 года.
Узначаліць першую сустрэчу Генеральны вікарый Мінска-Магілёўскай архідыяцэзіі біскуп Юрый Касабуцкі.
За арганізацыю першай сустрэчы ў межах малітоўнай падрыхтоўкі адказваюць духавенства і вернікі Мядзельскага дэканату Мінска-Магілёўскай архідыяэзіі.
Праграма
- да 11.00 – прыезд у Нацыянальны санктуарый; прывітанне пілігрымаў
- 11.00–11.45 – выстаўленне Найсвяцейшага Сакрамэнту; набажэнства перапрашэння Беззаганнага Сэрца Марыі; Фацімскі Ружанец (з разважаннямі з «Дзённіка» святой сястры Фаўстыны); споведзь (усе прысутныя святары)
- 12.00 – канцэлебраваная святая Імша;
- 13.30 – супольны пачастунак (па магчымасці)
- 14.00 – канферэнцыя на тэму Юбілейнага года хрысціянства (а. Андрэй Авен OCD)
- 14.30 – набажэнства да Божай Міласэрнасці: разважанні з «Дзённіка» святой сястры Фаўстыны; вяночак да Божай Міласэрнасці; літанія да Божай Міласэрнасці; благаслаўленне вады і рэлігійных рэчаў
- 15.15 – благаслаўленне на вяртанне
На YouTube-канале Нацыянальнага санктуарыя даступная прамая трансляцыя з Будслава.
