Благаслаўленне моладзі і студэнтаў на новы навучальны год адбудзецца 26 верасня ў мінскай парафіі святога Францішка Асізскага ў Копішчы (Новая Баравая).
Першая сустрэча сталічнага душпастырства моладзі ў гэтым навучальным годзе пройдзе на тэму «Пілігрымы надзеі». Гэта дэвіз Юбілею 2025 Святога года, які будзе суправаджаць усе моладзевыя сустрэчы ў бліжэйшы год. Падрабязна пра юбілейныя мерапрыемствы ТУТ>>>
- Пачатак сустрэчы ў 19.00.
Сустрэча моладзі распачнецца святой Імшой, падчас якой будзе ўдзелена адмысловае благаслаўленне для моладзі, студэнтаў і іх заліковак. Пасля гэтага адбудзецца невялікая прэзентацыя моладзевых супольнасцяў з розных парафій, а таксама інтэграцыйная праграма на тэрыторыі касцёла.
Удзел у сустрэчы — гэта цудоўная магчымасць пазнаёміцца з моладдзю з розных парафій Мінска і знайсці сваю супольнасць.
На сустрэчу запрашаюць юнакоў і дзяўчат ад 16-і гадоў, яккія жывуць і навучаюцца ў Мінску.
- Адрас: Мінскі р-н, в. Копішча, вул. Авіяцыйная, 4, касцёл святога Францішка Асізскага
- Інфармацыя пра даезд:
- ст.м. Уручча
- аўтобус № 135
- маршрутныя таксі 1008, 1052, 1004
- Дадатковая інфармацыя па тэлефоне:
+375 (29) 357 15 86 — кс. Андрэй Бурак, адказны за душпастырства моладзі Мінска-Магілёўскай архідыяцэзіі
