31 ліпеня і 1 жніўня ў Навагрудку (Гродзенская дыяцэзія) пройдуць урачыстасці ў гонар благаслаўлёных сясцёр назарэтанак, якія прынялі мучанікую смерць, дабравольна аддаўшы сваё жыццё за ўратаванне святара і мужчын з мясцовых сем’яў.
Набажэнствы будуць праходзіць у Батароўскім лесе пад Навагрудкам, дзе ад рук нацысцкіх карнікаў загінулі сёстры назарэтанкі, а таксама ў навагрудскім фарным касцёле Перамянення Пана, дзе спачываюць іх рэліквіі, і які з’яўляецца санктуарыем благаслаўлёнай сястры Марыі Стэлы і яе палечніц, мучаніц Другой сусветнай вайны.
Праграма ўрачыстасцяў
- 31 ліпеня, серада
- 18.00 – св. Імша ў Батароўскім лесе; цэлебрацыю ўзначаліць каад’ютар Гродзенскай дыяцэзіі біскуп Уладзімір Гуляй
- 21.00 – пачатак начнога чування ў навагрудскім фарным касцёле Перамянення Пана: адарацыя (праграма падрыхтавана парафіяй святога Арханёла Міхала ў Навагрудку)
- 22.00 – канферэнцыя (кс. Андрэй Лішко), Вяночак да благаслаўлёных сясцёр мучаніц у інтэнцыі сем’яў
- 23.00 – праграма, падрыхтаваная моладдзю парафіі Найсвяцейшага Адкупіцеля ў Гродне
- 1 жніўня, чацвер
- 1.00 – Ружанец у інтэнцыі сем’яў
- 2.00 – Крыжовы шлях (праводзіць а. Сяргей Калюта OSPPE)
- 3.00 – праграма, падрыхтаваная парафіяй святога Арханёла Міхала ў Навагрудку
- 4.30 – святая Імша ў прыблізную гадзіну расстрэлу сясцёр
На ўрачыстасці ў Навагрудак сёлета ўпершыню ідзе пешая пілігрымка з Ліды.
