30–31 ліпеня ўпершыню пройдзе пешая пілігрымка Ліда – Навагрудак на ўшанаванне навагрудскіх сясцёр назарэтанак, якія загінулі мучаніцкай смерцю ў часы Другой сусветнай вайны.
Пілігрымка выйдзе раніцай 30 ліпеня з лідскай парафіі святога Юзафа Рамесніка і благаслаўлёных назарэтанак, мучаніц (вул. генерала Бяды, 71) пасля святой Імшы а 9-й гадзіне.
У ходзе пілігрымкі ўдзельнікі асаблівым чынам будуць разважаць аб сутнасці святога і ахвярнага хрысціянскага жыцця паводле словаў Хрыста: «Я прыйшоў, каб вы мелі жыццё і мелі ў дастатку» (Ян 10, 10).
Пілігрымка завершыцца 31 ліпеня на месцы мучаніцкай смерці сясцёр назарэтанак у Батароўскім лесе пад Навагрудкам, дзе а 18-й гадзіне адбудзецца Эўхарыстыя. Пасля яе ў навагрудскім касцёле Перамянення Пана — санктуарыі сясцёр назарэтанак, мучаніц, — пройдзе малітоўнае чуванне.
Маршрут пілігрымкі: Ліда – Бярозаўка – Навагрудак.
Запіс і падрабязная інфармацыя па тэлефонах:
- +375 (29) 589 49 94 – ксёндз Віталій
- +375 (29) 771 66 11 – сястра Галіна
