Фота: dvasercy.by
7 і 8 чэрвеня ў горадзе-спадарожніку Мінска Фаніпалі (Мінска-Магілёўская архідыяцэзія, Стаўбцоўскі дэканат) вернікі мясцовай парафіі Найсвяцейшага Сэрца Езуса і Беззаганнага Сэрца Марыі адзначаць свой падвойны парафіяльны фэст.
Ганаровым госцем фаніпальскай парафіі, дзе нясуць служэнне святары з законніцкай супольнасці Місіянераў Святой Сям’і, з гэтай нагоды стане арцыбіскуп эмэрыт Тадэвуш Кандрусевіч.
Праграма адпустовых урачыстасцяў
- 7 чэрвеня, пятніца — урачыстасць Найсвяцейшага Сэрца Езуса
- 15.00 – выстаўленне Найсвяцейшага Сакрамэнту і ціхая адарацыя
- 17.00 – адарацыя з разважаннямі і Чэрвеньскім набажэнствам да Сэрца Езуса
- 18.30 – прывітанне арцыбіскупа эмэрыта Тадэвуша Кандрусевіча
- 19.00 – урачыстая цэлебрацыя святой Імшы з Эўхарыстычнай працэсіяй
- 8 чэрвеня, субота — успамін Безаганнага Сэрца Марыі
- 10.00 – Ружанец перапрашэння Сэрца Марыі
- 11.00 – урачыстая цэлебрацыя святой Імшы
- 12.30 – святочны пачастунак, конкурс творчасці і талентаў, спевы і інш.
Пробашч парафіі ў Фаніпалі кс. Дзяніс Шастаковіч MSF ад імя мясцовых вернікаў шчыра запрашае ўзяць удзел у святкаванні ўсіх ахвотных.
- Тэл.: +375 (25) 771 00 80 – кс. Дзяніс
- Сайт парафіі ТУТ>>>
- Старонка парафіі ў інстаграм ТУТ>>>
