Пошук

28.05.2024 11:11   Catholic.by

У суботу 8 чэрвеня ў Івянцы (Мінска-Магілёўская архідыяцэзія, Валожынскі дэканат) адбудзецца агульнабеларуская сустрэча ўдзельнікаў касцёльнага руху Рыцарства Беззаганнай.

Рыцарства Беззаганнай (Militia Immaculatæ) — Марыйны касцёльны рух, створаны ў кастрычніку 1917 года святым Максімільянам Марыяй Кольбэ.

Мэта Рыцарства — навяртанне грэшнікаў, а таксама асвячэнне душаў вернікаў праз заступніцтва Беззаганнай.

Для дасягнення гэтай мэты ўдзельнікі руху прысвячаюць сябе служэнню Панне Марыі, каб Яна праз сваіх «рыцараў» уздзейнічала на іншых людзей.

Праграма сустрэчы

  • 10.45 – прыезд (касцёл св. Аляксея)
  • 11.00 – Ружанец і чэрвенскае набажэнства да Найсвяцейшага Сэрца Езуса з прысвячэннем Рыцарства Беззаганнай Сэрцу Пана Езуса
  • 12.00 – святая Імша
  • 13.15 – абед
  • 14.15 – канферэнцыя
  • 15.00 – Вяночак да Божай Міласэрнасці з актам прысвячэння сябе Беззаганнай Панне Марыі паводле св. Максімільяна Марыі Кольбэ
  • 15.30 – знаёмства з гісторыяй святыняў Івянца
  • 16.00 – дыялог, фармацыя
  • 17.00 – вячэра
  • пасля вячэры – ад’езд і магчымасць наведаць месца мучаніцкай смерці благаслаўлёных францішканаў Ахілеса Пухалы і Германа Стэмпеня ў Баравікоўшчыне, а таксама касцёл святога Юрыя ў Пяршаях і касцёл святога Юзафа ў Валожыне

Увага! Рэгістрацыя ўдзельнікаў абавязковая. Зарэгістравацца неабходна да 6 чэрвеня:

  • па тэл.: +375 (33) 696 57 17 (Viber; Telegram) – айцец Яраслаў Марыя Банасяк OFMConv, Нацыянальны асістэнт па справах Рыцарства Беззаганнай ў Беларусі
  • або па электроннай пошце: miasteczkamaryi@gmail.com
Абноўлена 28.05.2024 11:16
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.