У сераду 1 мая па ініцыятыве і з удзелам Генеральнага вікарыя Мінска-Магілёўскай архідыяцэзіі біскупа Юрыя Касабуцкага ў Нацыянальным санктуарыі Маці Божай Будслаўскай на традыцыйную сустрэчу збяруцца прадстаўнікі розных рэлігійных рухаў і супольнасцяў Беларусі.
Сёлета сустрэча будзе прысвечана тэме Пастырскага 2024 года «Касцёльныя рухі ў евангелізацыі Беларусі».
Падчас сустрэчы адбудзецца прысвячэнне Найсвяцейшаму Сэрцу Езуса кожнага руху з нагоды падрыхтоўкі да інтранізацыі Сэрца Езуса ў Касцёле на Беларусі і 125-годдзя з моманту прысвячэння ўсяго свету Найсвяцейшаму Сэрцу Езуса.
Падчас сустрэчы можна будзе блiжэй пазнаёмiцца з касцёльнымі рухамі, якія дзейнічаюць у нашай краіне.
Праграма
- 10.30 — прыезд і прывітанне пілігрымаў;
- 10.45 — прэзентацыя рухаў;
- 11.15 — Ружанец і Маёвае набажэнства;
- 12.00 — святая Імша; цэлебрацыю ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі;
- 13.15 — пачастунак;
- 14.00 — канферэнцыя на тэму «Касцёльныя рухі ў евангелізацыі Беларусі» (адказны айцец Андрэй Авен OCD);
- 14.30 — адарацыя Найсвяцейшага Сакрамэнту;
- 15.00 — Вяночак да Божай Мiласэрнасцi, благаслаўленне Найсвяцейшым Сакрамэнтам;
- 15.15 — благаслаўленне вады і набытых рэлігійных рэчаў;
- 15.20 — прысвячэнне кожнага руху Найсвяцейшаму Сэрцу Езуса;
- 16.00 — заканчэнне сустрэчы.
Пасля абеду з 14.00 да 15.20 для дзяцей прадугледжана асобная праграма.
- Просьба ад арганізатараў: з-за вялікай колькасці ўдзельнікаў сустрэчы, якая чакаецца ў Будславе, пасілак пажадана ўзяць з сабой.
- Арганізатары просяць прадстаўнікоў супольнасцяў паведаміць пра ўдзел у сустрэчы, даслаўшы паведамленне на нумар +375 (29) 556 47 30 (+viber).
- З Мінска будзе арганізаваны выезд у Будслаў на аўтобусам (выезд у 8.00 ад Чырвонага касцёла, прыблізны кошт 25 руб.)
Тэлефон для запісу: +375 (29) 557 82 26
