17 лютага ў Росіцкім санктуарыі Віцебскай дыяцэзіі адбудуцца ўрачыстасці ў гонар благаслаўлёных Антонія Ляшчэвіча і Юрыя Кашыры, святароў марыянаў.
Росіца — вёска ў Верхнедзвінскім раёне Віцебскай вобласці, дзе ў лютым 1943 года разам з парафіянамі прынялі мучаніцкую смерць ксяндзы марыяне: благаслаўлёныя Антоній Ляшчэвіч і Юрый Кашыра.
Ва ўспамін гэтай трагічнай падзеі штогод у лютым у росіцкім санктуарыі адбываецца ўрачыстая святая Імша і працэсія да месца мучаніцкай смерці.
Праграма ўрачыстасці
- 11.00 — адарацыя Найсвяцейшага Сакрамэнту з магчымасцю споведзі;
- 12.00 — святая Імша;
- 13.30 — працэсія на месца мучаніцтва і заканчэнне ўрачыстасцяў.
Пасля працэсіі для ахвотных будзе падрыхтавана гарбата і невялікі пачастунак.
Увага! Вёска Росіца Верхнядзвінскага раёна знаходзіцца ў памежнай зоне. Для бяспечнага прыезду і пілігрымавання абавязкова неабходна мець пры сабе пашпарт.
На ўрачыстасці ў Росіцу з Мінска скіруецца аўтобусная пілігрымка. Запіс ТУТ>>>
