30 снежня ў касцёле святога Францішка Асізскага ў вёсцы Копішча (мікрараён Новая Баравая, Мінска-Магілёўская архідыяцэзія) адбудзецца канцэрт «Арганная музыка беларускай мінуўшчыны XVI–XIX стагоддзяў» у выкананні Юрыя Габруся і Маргарыты Кучук.
Слухачоў чакае ўнікальная праграма, цалкам складзеная з твораў арганнай беларускай спадчыны (XVI–XIX стагоддзі). Кампазітары, творы якіх прагучаць на канцэрце, паходзяць як з Беларусі, так і з іншых краін, але лёс кожнага з іх шчыльна звязаны з Беларуссю, яе гісторыяй і музычнай культурай.
На канцэрце можна пачуць голас новаўсталяванага аргана майстэрні Хрыстофа Грэфэ (Германія).
Праграма
Валянцін Бакфарк:
- Фантазія IX
- Апрацоўка песні «Czarna krowa»
Дыямед Като:
- Канцона ў трэцім тоне
Андрэй Рагачэўскі:
- Канцона ў другім тоне (з Пэльплінскай Табулатуры)
Пётр Жэляхоўскі:
- Фантазія ў першым тоне (з Астрамецкай Табулатуры)
«Шымкевіч» (апр. Р. Выграненка)
- Kyrie eleison з Месы ля мажор («Нясвіжскія Імшы»)
Ян (Ёган) Давід Голанд:
- Allabreve (Фуга) рэ мінор
Антоні Сакульскі:
- Інтрадукцыя і фуга (до мажор)
Станіслаў Манюшка:
- Чатыры апрацоўкі для аргана з цыклу «Песні нашага касцёла»
- Тры духоўныя гімны для сапрана і аргана
Творы невядомых аўтараў:
- Шэсць танцаў з Астрамецкай табулатуры («Полацкі сшытак») ў апрацоўцы Р. Выграненкі
- Шэсць танцаў з Віленскай табулатуры (расшыфроўка С. Шылінскаса)
- «Сапегаўскі альбом»
- Сюіта ў восьмым тоне
- Два духоўныя канцэрты для голаса і аргана
Арган: Юры Габрусь
Сапрана: Маргарыта Кучук
Пры ўваходзе можна пакінуць ахвяраванні.
Пачатак: 13.30
Адрас: Мінскі раён, в. Копішча, вул. Авіяцыйная 4 (Новая Баравая).
