Пошук

23.11.2023 15:42   Catholic.by

28 лістапада ўпершыню ў гісторыі адбудзецца Агульнабеларускі форум касцёльнага права — наступны лагічны крок у развіцці Каталіцкага Касцёла ў нашай краіне.

Гэтая значная падзея прымеркавана да 40-годдзя з часу з’яўлення новай рэдакцыі Кодэкса Кананічнага Права, які быў абнародаваны Папам Янам Паўлам ІІ і ўступіў у сілу 27 лістапада 1983 года.

Агульнабеларускі прававы форум збярэ ў цэнтры Caritas Мінска-Магілёўскай архідыяцэзіі, што ў Ляскоўцы пад Мінскам, іерархаў Каталіцкага Касцёла, экспертаў касцёльнага права і прадстаўнікоў духавенства з усіх дыяцэзій нашай краіны.

Форум скіраваны на абмеркаванне актуальных тэндэнцый у касцёльным праве і сучасных выклікаў, перад якімі стаіць Каталіцкі Касцёл у Беларусі ў кантэксце кананічнага права.

На форуме будзе прадстаўлена серыя рэфератаў экспертаў у галіне кананічнага права па актуальнай тэматыцы з жыцця і дзейнасці Каталіцкага Касцёла на Беларусі. Удзельнікі атрымаюць магчымасць прыняць удзел у дыскусіі па вызначаных тэмах: роля і ўплыў кананічнага права ў жыцці і дзейнасці Каталіцкага Касцёла ў Беларусі, а таксама ўзаемадзеянне паміж кананічным правам і дзяржаўным правам.

Форум касцёльнага права ўяўляе сабой унікальную пляцоўку для абмену ведамі і вопытам і дае магчымасць будаваць масты паміж рознымі рэлігійнымі супольнасцямі, аптымізаваць супрацоўніцтва паміж рознымі ўстановамі Каталіцкага Касцёла і наладжваць супрацоўніцтва з дзяржаўнымі органамі на розных узроўнях. Гэтая падзея азначае важны крок да больш глыбокага разумення і прыняцця кананічнага права ў беларускім грамадстве.

Абноўлена 24.11.2023 11:09
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.