![](/3/images/resources/mix/dyjacezii-mma.jpg)
Катэхетычны аддзел Мінска-Магілёўскай архідыяцэзіі запрашае прыняць удзел у інаўгурацыі новага 2023/2024 катэхетычнага года, якая адбудзецца 16 верасня ў катэдральным касцёле Найсвяцейшага Імя Марыі ў Мінску.
Пачатак а 11-й гадзіне.
Па распараджэнні адказнага за Катэхетычны аддзел Мінска-Магілёўскай архідыяцэзіі біскупа Аляксандра Яшэўскага SDB, «у гэтай сустрэчы абавязкова павінны прыняць удзел усе, хто ў нашай архідыяцэзіі выкладае катэхезу: святары, сёстры законныя і свецкія катэхеты».
Праграма сустрэчы
- 16 верасня, субота
- 11.00 – прывітальнае слова
- спеў Veni Creator Spiritus
- інаўгурацыйны даклад ксяндза доктара Андрэя Лысага SChr на тэму: «Сінадальнасць у Касцёле і для Касцёла: рэчаіснасць і прылада рэформы»
- 11.45 – выстаўленне Найсвяцейшага Сакрамэнту і магчымасць споведзі
- 12.15 – святая Імша; цэлебрацыю ўзначаліць Мітрапаліт Мінска-Магілёўскі арцыбіскуп Юзаф Станеўскі
- аб’явы катэхетычнага аддзела
- прапановы ад катэхетаў
- уручэнне кананічных місій
- 14.00 – пачастунак і заканчэнне