Фота Віталія Палінеўскага
З 8 па 11 жніўня ў санктуарый Пінскай дыяцэзіі ў Лагішыне, што каля Пінска, пройдуць дзве чатырохдзённыя пешыя пілігрымкі: з Баранавічаў і з Бярозы.
Пілігрымы возьмуць удзел у традыцыйным фэсце ў гонар Маці Божай Лагішынскай, Каралевы Палесся, які сёлета адбудзецца 11 і 12 жніўня.
Баранавіцкая пілігрымка арганізуецца пры парафіі святога Зыгмунта.
Ахвотныя далучыцца да пілігрымак могуць запісацца па наступных кантактных тэлефонах (+Viber):
- +375 (29) 727 31 98 – ксёндз Андрэй Рылка, кіраўнік пілігрымкі з Баранавічаў;
- +375 (29) 790 80 16 – ксёндз Уладзімір Буклярэвіч, кіраўнік пілігрымкі з Бярозы.
Шматлікія пілігрымы прыбудуць таксама з іншых мясцін Пінскай дыяцэзіі і з усёй Беларусі, каб выпрасіць у Маці Божай Каралевы Палесся заступніцтва і дапамогі для сябе і сваіх блізкіх.
