11 і 12 жніўня ў мястэчку Лагішын, што каля Пінска (Пінская дыяцэзія), адбудуцца традыцыйныя дыяцэзіяльныя ўрачыстасці ў гонар Маці Божай Лагішынскай, Каралевы Палесся.
8 жніўня на Марыйны фэст у лагішынскі санктуарый вырушаць традыцыйныя чатырохдзённыя пешыя пілігрымкі з Баранавічаў (касцёл святога Зыгмунта) і з Бярозы (касцёл Найсвяцейшай Тройцы). Шматлікія пілігрымы прыбудуць таксама з іншых мясцін Пінскай дыяцэзіі і з усёй Беларусі, каб выпрасіць у Маці Божай Каралевы Палесся заступніцтва і дапамогі для сябе і сваіх блізкіх.
Адметнасцю сёлетніх урачыстасцяў будзе святкаванне 110-й гадавіны асвячэння цяперашняга касцёла-санктуарыя ў Лагішыне, які больш за стагоддзе таму быў адбудаваны пасля разбурэння папярэдняй святыні.
Тут захоўваецца цудадзейны абраз Маці Божай Лагішынскай, Каралевы Палесся, Апякункі Пінскай дыяцэзіі, вядомы шматлікімі Божымі ласкамі, якія вернікі атрымліваюць у гэтым месцы праз заступніцтва Найсвяцейшай Панны.
Праграма ўрачыстасцяў
- 11 жніўня, пятніца
- 18.00 – прывітанне пешых пілігрымак з Баранавічаў, Бярозы і паломніцкіх груп з іншых мясцін;
- 18.30 – 21.00 – адарацыя Найсвяцейшага Сакрамэнту перад цудадзейным абразом Маці Божай, магчымасць споведзі;
- 20.30 – Навэнна да Маці Божай Лагішынскай;
- 21.00 – Акафіст на ўшанаванне Маці Божай (грэка-каталіцкая супольнасць);
- 22.00 – святая Імша з удзелам пілігрымаў;
- Пасля св. Імшы – урачыстая малітоўная працэсія са свечкамі вакол санктуарыя Маці Божай Лагішынскай;
- канцэрт праслаўлення парафіяльных музычных гуртоў і пілігрымаў;
- усяночнае малітоўнае чуванне перад цудадзейным абразом Маці Божай Лагішынскай, магчымасць споведзі.
- 12 жніўня, субота
- 7.30 – Гадзінкі аб Беззаганным Зачацці Найсвяцейшай Панны Марыі;
- 8.00 – святая Імша (на польскай мове);
- 9.30 – Набажэнства да Маці Божай Лагішынскай;
- 10.00 — святая Імша з удзелам пілігрымаў;
- 12.00 – благаслаўленне пілігрымаў на заканчэнне ўрачыстасці.
Падрабязную інфармацыю адносна Лагішынскага фэсту можна атрымаць па тэлефоне (+Viber):
+375 (29) 726 83 79 — ксёндз Андрэй Шут, пробашч парафіі ў Лагішыне
