![](/3/images/news/2023/07/2023-07-18-novaja-mysh23.jpg)
29 ліпеня з парафіі Перамянення Пана ў Новай Мышы (Пінская дыяцэзія, Баранавіцкі дэканат) вырушыць пешая пілігрымка ў Навагрудак на ўрачыстасці з нагоды 80-й гадавіны мучаніцкай смерці сясцёр назарэтанак.
Пілігрымы пешкі скіруюцца на месца мучаніцтва благаслаўлёных сясцёр Марыі Стэлы і яе палечніц, якія 80 гадоў таму дабравольна ахвяравалі сваё жыццё дзеля ўратавання навагрудскага святара і мужчын з мясцовых сем’яў.
Урачыстасці ў іх гонар сёлета адбудуцца 31 ліпеня і 1 жніўня ў Батароўскім лесе і ў навагрудскім фарным касцёле Перамянення Пана — санктуарыі, дзе спачываюць рэліквіі благаслаўлёных мучаніц.
Запіс і падрабязная інфармацыя пра пілігрымку па тэлефонах:
- +375 (29) 809 30 95 – ксёндз Павел
- +375 (29) 325 84 89 – Таццяна