Памятныя ўрачыстасці адбудуцца ў Батароўскім лесе пад Навагрудкам (Гродзенская дыяцэзія), дзе падчас Другой сусветнай вайны ад рук нацыстаў прынялі мучанікую смерць сёстры назарэтанкі, дабравольна аддаўшы сваё жыццё за ўратаванне святара і мужчын з мясцовых сем’яў.
Памяць сясцёр у 80-ю гадавіну іх мучаніцтва ўшануюць таксама ў навагрудскім фарным касцёле Перамянення Пана, дзе спачываюць іх рэліквіі, і які з’яўляецца санктуарыем благаслаўлёнай сястры Марыі Стэлы і яе палечніц, мучаніц.
Праграма ўрачыстасцяў
- 31 ліпеня, панядзелак
- 18.00 – св. Імша ў Батароўскім лесе; цэлебрацыю ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі
- 21.00 – пачатак начнога чування ў навагрудскім фарным касцёле Перамянення Пана
- 22.00 – канферэнцыя, Вяночак да благаслаўлёных сясцёр мучаніц у інтэнцыі сем’яў
- 23.00 – адарацыя Найсвяцейшага Сакраманту
- 1 жніўня, аўторак
- 2.00 – Крыжовы шлях
- 2.45 – Вяночак да Божай Міласэрнасці
- 3.00 – праграма, падрыхтаваная членамі Асацыяцыі Святой Сям’і з Назарэта
- 4.30 – святая Імша ў прыкладную гадзіну расстрэлу сясцёр
На ўрачыстасці ў Навагрудак вырушыць пешая пілігрымка з Новай Мышы (Пінская дыяцэзія, Баранавіцкі дэканат).
