З 2 па 7 ліпеня пройдзе XXV пешая пілігрымка з Гродна ў санктуарый Гродзенскай дыяцэзіі Каралевы нашых сем’яў у Тракелях (Радунскі дэканат).
Пілігрымка распачнецца 2, не з 3 ліпеня, як паведамлялася раней, святой Імшой у гродзенскай катэдральнай базыліцы святога Францішка Ксавэрыя. Па дарозе традыцыйна запланаваны начлегі ў Азёрах, Астрыне, Забалаці і Пагародне.
Дэвіз сёлетняй пілігрымкі: «Марыя, аб’яднай нашы сэрцы і сем’і».
Запіс працягваецца да 30 чэрвеня, але адказныя за пілігрымку просяць прайсці рэгістрацыю як мага раней.
Сёлета арганізатары вырашылі змяніць маршрут, які будзе выглядаць наступным чынам:
- 2 ліпеня: Гродна – Парэчча (30 км);
- 3 ліпеня: Парэчча – Новы Двор (32 км);
- 4 ліпеня: Новы Двор – Забалаць (20 км);
- 5 ліпеня: Забалаць – Радунь (20 км);
- 6 ліпеня: Радунь – Жырмуны (20 км);
- 7 ліпеня: Жырмуны – Тракелі (15 км).
Арганізатары заахвочваюць тых, хто не мае магчымасці прайсці ўвесь маршрут, але жадае далучыцца, паўдзельнічаць у адным або некалькіх з этапаў пілігрымкі.
Анлайн-рэгістрацыя па спасылцы ТУТ>>>
Больш падрабязная інфармацыя па тэлефоне на нумары:
- +375 (29) 286 31 78 – кс. Антоній Грэмза
- +375 (29) 719 04 98 – кс. Яўген Амасёнак
