Супольнасць «Мужчыны святога Юзафа» запрашае мужчын і юнакоў узяць удзел у рэкалекцыях на тэму «Малітва ў жыцці мужчыны», якія адбудуцца з 2 па 4 чэрвеня ў рэкалекцыйным доме пры парафіі Найсвяцейшай Тройцы ў Росі (Гродзенская дыяцэзія, Ваўкавыскі дэканат).
Духоўныя практыкаванні правядзе айцец Віталь Сапега, дамініканін.
«Малітва — гэта фарпост у духоўным жыцці». Так казалі айцы пустыні. Гэта значыць, што малітва — гэта перадавая ў духоўная барацьбе.
Як зазначаюць арганізатары, вернікі, на жаль, не заўсёды разумеюць важнасць пастаяннай і сістэматычнай малітвы.
Хто не моліцца, хто не змагаецца на духоўным фронце, той не ў стане навучыцца маліцца і тым самым разумець важнасць малітвы. Малітва важная для кожнага чалавека. Але, як падае статыстыка, мужчыне цяжэй маліцца. Чаму? Рэкалекцыі дапамогуць у гэтым разабрацца.
Праграма рэкалекцый
(магчымыя змены)
- 2 чэрвеня, пятніца
- 20.00 – вячэра, знаёмства
- 21.00 – святая Імша з казаннем
- 22.00 – пытанні і адказы
- 3 чэрвеня, субота
- 7.45 – Lectio Divina (уводзіны ў малітву Божым Словам)
- 8.30 – сняданак
- 9.30 – святая Імша з казаннем
- 10.50 – кава-пауза
- 11.30 – канферэнцыя №1
- 13.00 – абед
- 14.00 – пытанні і адказы
- 15.00 – Вяночак да Божай Міласэрнасці
- 15.30 – кава-пауза
- 17.00 – канферэнцыя №2
- 18.30 – вячэра
- 19.30 – адарацыя (з Ружанцам, магчымасць споведзі)
- 20.30 – пытанні і адказы
- 4 чэрвеня, нядзеля
- 8.00 – Lectio Divina (уводзіны ў малітву Божым Словам)
- 8.30 – сняданак
- 9.00 – канферэнцыя №3
- 10.30 – святая Імша з казаннем
- 12.00 – абед
- 13.00 – пытанні і адказы
Дадатковая інфармацыя і запіс па тэлефонах:
- +375 (33) 624 42 85 – Павел
- +375 (33) 621 66 56 – Віталь
- +375 (44) 733 71 67 (Viber)
Ахвяраванне з улікам начлегу і харчавання складае 100 ВYN.
З сабой, па магчымасці, трэба ўзяць Біблію, нататнік, ручку.
