У чацвер 30 сакавіка ў архікатэдральным касцёле Найсвяцейшага Імя Марыі ў Мінску адбудзецца сустрэча для міністрантаў з парафій горада Мінска і Мінскага раёна.
Арганізатары сустрэчы, ксёндз Павел Эйсмант і ксёндз канонік Юрый Санько, запрашаюць на сустрэчу міністрантаў школьнага ўзросту, а таксама студэнтаў. Вітаецца прысутнасць міністрантаў, якія пажадаюць прыехаць з іншых мясцін Мінска-Магілёўскай архідыяцэзіі.
План сустрэчы
- 11.00 – супольная малітва, канферэнцыя з відэапаказам, праца ў групах;
- 12.00 – святая Імша; цэлебрацыю ўзначаліць арцыбіскуп Юзаф Станеўскі, Мітрапаліт Мінска-Магілёўскі;
- 13.30 – пасілак, знаёмства і размовы на свабодныя тэмы.
Усе ўдзельнікі сустрэчы атрымаюць памятныя падарункі.
Арганізатары заахвочваюць удзельнікаў прачытаць фрагмент з Паслання святога апостала Паўла да Галатаў (Гал 5, 16–26). Таксама яны просяць пробашчаў дэканатаў Мінск-Захад і Мінск-Усход запрасіць міністрантаў на сустрэчу і, па магчымасці, дапамагчы ім з прыездам.
