У ноч з 3 на 4 сакавіка ў Хрысціянскім сацыяльным цэнтры Місіі Добрага Самараніна ў Мінску адбудзецца малітоўнае чуванне ў інтэнцыі аднаўлення набажэнстваў у сталічным касцёле святога Сымона і святой Алены.
Пасля таго, як напрыканцы верасня мінулага года ў Чырвоным касцёле здарыўся пажар, прычыны якога да гэтага часу не названыя, вернікі і духавенства не маюць магчымасці маліцца ў сваёй святыні, уласнікам якой з’яўляецца дзяржаўная ўстанова.
Арганізатары чування сардэчна запрашаюць усіх ахвотных у капліцу Хрысціянскага сацыяльнага цэнтра на супольную малітву ў інтэнцыі як найхутчэйшага аднаўлення набажэнстваў у касцёле святога Сымона і святой Алены ў Мінску.
- Пачатак: 3 сакавіка ў 22.00
- Заканчэнне: 4 сакавіка ў 6.30
Адрас: вул. Серафімовіча, 19 (непадалёк ад станцыі метро «Пралетарская»).
