21 лістапада ў Хрысціянскім сацыяльным у цэнтры ў чацвёрты раз пройдзе канферэнцыя «IT for Christ».
На інтэрнэт-старонцы it4christ.by можна знасці наступную інфармацыю:
Аб канферэнцыі
Свет імкліва мяняецца, і штучны інтэлект ужо стаў часткай нашай штодзённасці — ад працы да служэння. Як у эпоху штучнага інтэлекту захаваць яснасць розуму, вернасць біблейскім каштоўнасцям і жывую веру? Як мудра і з любоўю выкарыстоўваць тэхналогіі?
Запрашаем вас на канферэнцыю, дзе мы разам пашукаем адказы на гэтыя пытанні.
Для каго?
Калі вы імкнецеся жыць паводле хрысціянскіх каштоўнасцяў, прафесійна развіваецеся ў лічбавай сферы і хочаце служыць сваімі талентамі, мы чакаем вас!
- IT-спецыялісты. Распрацоўшчыкі, менеджэры, тэсціроўшчыкі, аналітыкі — спецыялісты ўсяго цыкла распрацоўкі IT-прадуктаў.
- Media. Кантэнт-крэатары, дызайнеры, маркетолагі і іншыя спецыялісты ў сферы медыя.
- Service. Духавенства, манаскія асобы, служачыя супольнасцей, якія выкарыстоўваюць тэхналогіі ў служэнні.
Праграма канферэнцыі:
9.00 — рэгістрацыя ўдзельнікаў;
10.00 — святая Імша;
11.30 — канферэнцыя «Не стаць машынай: як застацца чалавекам у эпоху ШI» — Максім Кавуноў;
12.15 — перапынак;
12.30 — канферэнцыя «Дух і ШІ» — ксёндз Яўген Шымановіч;
13.30 — абед;
14.30 — Паралельныя воркшопы. Частка 1:
1. Воркшоп «Не вайбкодынг: распрацоўка з агентамі па-даросламу» — Андрэй Місан
Чым адрозніваецца «напісаў промпт — атрымаў код» ад сапраўднай інжынерыі ў эпоху ШІ? На прыкладзе жывога хрысціянскага прадукту zora.by пройдзем поўны цыкл працы: ад пастаноўкі задачы і падрыхтоўкі кантэксту для агента да рэўю, тэставання і выкату.
Будзем працаваць з Claude Code. Разбяром, дзе агент эканоміць дні, а дзе без чалавека ператварае праект у хаос. Удзельнікі сыдуць з гатовым працоўным workflow, які можна прымяніць у сваім праекце ўжо ў панядзелак.
Для каго: распрацоўшчыкі любога ўзроўню, продакты і тымліды, якія хочуць зразумець, як ШІ рэальна ўбудоўваецца ў працоўны працэс. Будзе карысна і тым, хто яшчэ не працаваў з кодавымі агентамі, і тым, хто ўжо спрабаваў, але апёкся.
2. Арт-сесія па абстрактным малюнку з разборам ад ШІ — Павел Попел
Што можа расказаць пра вас малюнак? Паспрабуйце не расказваць пра сябе, а намаляваць. Навыкі не патрэбныя — тут няма падзелу на «прыгожа» і «непрыгожа» і няма правільных адказаў.
У псіхалагічным тэсце мы ведаем пытанне і часам неўсвядомлена падбіраем адказ. У абстрактным малюнку ўсё інакш: колеры, лініі, формы і кампазіцыя нараджаюцца вольна. Малюнак становіцца невербальнай асновай для размовы пра ваш стан.
З гэтым працуе ArtVisionAi: вы ствараеце малюнак, загружаеце яго ў дадатак, а штучны інтэлект аналізуе візуальныя характарыстыкі і прапануе структураваны разбор з рэкамендацыямі.
16.15 — Паралельныя воркшопы. Частка 2:
3. Воркшоп «Агент піша, рэдактар адказвае: медыя-служэнне ў эпоху ШІ» — Ганна Кулінковіч
На воркшопе разбяром, што адбываецца ў SMM сёння і як гэта датычыцца хрысціянскіх праектаў. Якія трэнды ёсць і як яны ўплываюць на вядзенне старонак. Затым збяром ШІ-каманду, якая забірае руціну і спрашчае вытворчасць кантэнту. Пакажам, як навучыць ШІ даваць вынік, які вам патрэбен, створым агента, які напіша кантэнт-план на месяц з апісаннем пастоў і промтаў для генерацый малюнкаў і відэа. І абмяркуем галоўнае: як паднесці ўсё гэта так, каб вашу аўдыторыю гэта кранула, а не адштурхнула.
4. Воркшоп «Шэсць геніяў каманды» — Эмілія Канстанцінава
Чаму адны задачы цябе зараджаюць, а іншыя цалкам спусташаюць. Практычны інструмент для здароўя і перазагрузкі каманд. Дапамагае лідэрам зразумець, як Бог унікальна сфарміраваў кожнага чалавека для асаблівага ўкладу — і чаму пэўныя ролі пакідаюць людзей спустошанымі.
Тры галоўныя вынікі:
1. Усвядомленасць: вы адкрыеце свае моцныя бакі і ўдзельнікаў вашай каманды. Убачыце, як яны вызначаюць спосаб служыць і ўзаемадзейнічаць з іншымі.
2. Адзінства: вы здабудзеце агульную мову для абмеркавання асабістых адрозненняў — без раздражнення і ўзаемных абвінавачванняў.
3. Эфектыўнасць: вы навучыцеся пераразмяркоўваць адказнасць мудрэй, што абароніць каманду ад выгарання і прынясе больш плёну.
17.45 — Вынікі воркшопаў і завяршэнне.
Рэгістрацыя абавязковая па спасылцы ТУТ>>>
Праект існуе і развіваецца дзякуючы валанцёрскай працы і ахвяраванням удзельнікаў. Падтрымаць праект можна анлайн на сайце або ў дзень канферэнцыі — на стойцы рэгістрацыі.
Адрас: Хрысціянскі сацыяльны цэнтр, г. Мінск, вул. Серафімовіча, 19.
Далучайцеся да ўнікальнай падзеі, дзе вера сустракаецца з тэхналогіямі!
