З 3 па 5 лютага ў рэкалекцыйным доме «Голас Айца» пры дыяцэзіяльным санктуарыі Езуса Журботнага ў Росі (Гродзенская дыяцэзія, Ваўкавыскі дэканат) пройдуць рэкалекцыі для мужчын.
Тэма духоўных практыкаванняў, арганізаваных супольнасцю «Мужчыны святога Юзафа», — «Навошта Пан даў мне жыццё?» Разважанні будуць грунтавацца на ўрыўку з Паслання святога апостала Паўла да Рымлянаў (гл. Рым 5, 17 – 18).
«Уменне быць добрым і паспяховым чалавекам, хрысціянінам, мужам і айцом залежыць ад адказу на галоўнае пытанне: навошта?
Многія мужчыны губляюць жаданне жыць, любіць, дзейнічаць, таму што не могуць знайсці адказ на пытанне: дзеля чаго або дзеля каго ўсё гэта? Навошта? Тыя, хто знаходзяць адказ на гэтае пытанне, знаходзяць сапраўдны сэнс жыцця.
Сустрэча з Панам у Яго слове і знаёмства са шматвяковым духоўным вопытам Каталіцкага Касцёла могуць дапамагчы знайсці адказ на гэтае галоўнае жыццёвае пытанне, а таксама на іншыя хвалюючыя пытанні, ад вырашэння якіх залежыць нашае зямное і вечнае шчасце», — адзначаюць арганізатары рэкалекцый.
Духоўныя практыкаванні для мужчын у Росі правядзе ксёндз Андрэй Рылка, канцлер Курыі Пінскай дыяцэзіі, тэолаг, філосаф, рэкалекцыяніст і каталіцкі публіцыст.
Праграма
(могуць адбыцца змены)
- 3 лютага, пятніца
- 20.00 – вячэра, знаёмства
- 21.00 – святая Імша
- 21.45 – адарацыя
- 4 лютага, субота
- 7.45 – Lectio Divina
- 8.30 – сняданак
- 9.30 – канферэнцыя
- 10.50 – адарацыя
- 11.30 – праца ў малых групах
- 13.00 – абед
- 15.30 – святая Імша
- 16.30 – канферэнцыя
- 18.00 – работа ў малых групах
- 19.30 – вячэра
- 20.30 – адарацыя (з Ружанцам, магчымасць прыступіць да споведзі)
- 21.30 – пытанні і адказы.
- 5 лютага, нядзеля
- 8.00 – Lectio Divina
- 8.30 – сняданак
- 9.45 – канферэнцыя
- 11.00 – праца ў групах
- 12.00 – святая Імша
- 13.00 – абед
Запіс на рэкалекцыі і дадатковая інфармацыя па тэлефоне на нумары:
+375 (33) 624 42 85 – Павел
+375 (33) 621 66 56 – Віталь
+375 (44) 733 71 67 (Viber).
Рэкамендаванае ахвяраванне, якое ўключае ў сябе начлег і харчаванне, 80 руб.
