У нядзелю 8 студзеня дзяцей з усёй Беларусі, якія любяць і шануюць Маці Божую Тракельскую, запрашаюць у санктуарый Гродзенскай дыяцэзіі Каралевы нашых сем’яў у Тракелях (Воранаўскі раён).
Як паведамляецца на сайце Grodnensis.by, у санктуарыі для маленькіх вернікаў адбудзецца адмысловая святая Імша а 13-й гадзіне.
Асаблівым чынам запрашаюць дзяцей, якія прынялі ў тракельскім касцёле хрост і першую Камунію.
Усіх удзельнікаў каля ясляў у Тракелях будуць чакаць калядныя падарункі ад добрай Маці.
