14 студзеня ў Івянцы (Мінска-Магілёўская архідыяцэзія) адбудзецца XII Калядны фестываль, арганізаваны айцамі францішканамі.
Святы Францішак, каб даць магчымасць сваім сучаснікам дакрануцца да таямніцы Нараджэння Збаўцы свету, восем стагоддзяў таму ў Грэчча арганізаваў першую жывую батлейку і такім чынам дазволіў адчуць калядны цуд Божай прысутнасці.
У поўны радасці і спеву час Божага Нараджэння, яго браты, францішкане, запрашаюць усіх ахвотных у Івянец на ХІІ Калядны фестываль.
- Святочнае мерапрыемства адбудзецца ў суботу 14 студзеня ў івянецкім Доме культуры (вул. Піянерская, 3).
- Пачатак у 14.00.
Арганізатары запрашаюць да ўдзелу ў фестывалі хоры, гурты, сямейныя і іншыя групы і сольных выканаўцаў.
Усе ўдзельнікі выканаюць па два калядныя спевы. Пажадана, каб выкананне суправаджалася акампанементам на музычных інструментах.
Арганізатары просяць ахвотных паведаміць пра свой удзел у фестывалі да 31 снежня ўключна па тэлефоне:
+375 (29) 556 77 98 – айцец Яўген Голуб OFMConv
