![](/3/images/news/2022/12/2019-11-16-mediki-020.jpg)
11 снежня ў Бараўлянах адбудзецца калядная аплаткавая сустрэча Мітрапаліта Мінска-Магілёўскага арцыбіскупа Юзафа Станеўскага з медыкамі і медычным персаналам.
Раней такія сустрэчы былі традыцыйнымі і штогадова адбываліся ў Мінскім абласным клінічным шпіталі, але з-за кавідных абмежаванняў у мінулыя два гады не праводзіліся.
Сёлета сустрэча адбудзецца ў парафіі Марыі Успамогі Хрысціянаў у Бараўлянах, дзе нясуць служэнне святары з супольнасці салезіянаў, якія займаюцца таксама душпастырствам хворых.
- Распачнецца калядная сустрэча са святой Імшы ў 18.00. Цэлебрацыю ўзначаліць арцыбіскуп Станеўскі, які звернецца з пастырскім словам да сабраных.
- Пасля Імшы ў будынку араторыя, які дзейнічае пры парафіі, адбудзецца аплаткавая сустрэча для ўсіх лекараў і медычнага персаналу.
Арганізаітары сустрэчы сардэчна запрашаюць усіх медыкаў з Мінска і Мінскага раёна ўзяць удзел у каляднай аплаткавай сустрэчы з арцыбіскупам Юзафам Станеўскім.
Адрас парафіі: аг. Лясны, вул. Аляксандрава, 4 А.
Даехаць у Бараўляны з Мінска можна на аўтобусах 115, 113, 145, 143.