Душпастырства моладзі Мінска-Магілеўскай архідыяцэзіі запрашае юнакоў і дзяўчат на сустрэчы ў межах падрыхтоўкі да Сусветных дзён моладзі (СДМ), якія пройдуць у 2023 годзе ў Лісабоне.
Праз набыццё новых ведаў і супольную малітву ўдзельнікі сустрэч будуць рыхтавацца разам з супольнасцю Касцёла перажываць СДМ, якія адбудуцца ў сталіцы Партугаліі ў жніўні 2023 года пад дэвізам «Марыя ўстала і пайшла паспешна» (пар. Лк 1, 39).
Першая агульная сустрэча моладзі адбудзецца ў мінскім катэдральным касцёле Найсвяцейшага Імя Марыі (пл. Свабоды, 9) у чацвер 27 кастрычніка.
На яе запрашаюць працоўную і студэнцкую моладзь ад 16 гадоў. Распачнецца сустрэча святой Імшой у 18.30, а завершыцца а 21-й гадзіне.
- Дадатковая інфармацыя па тэл.:
+375 (29) 357 15 86 — ксёндз Андрэй Бурак, адказны за душпастырства моладзі Мінска-Магілёўскай архідыяцэзіі
