15 жніўня, у дзень, калі Каталіцкі Касцёл адзначае ўрачыстасць Унебаўзяцця Найсвяцейшай Панны Марыі, у старадаўняй катэдры ў Магілёве адбудзецца фэст з нагоды парафіяльнага адпусту.
Урачыстасць у катэдральнай парафіі горада на Дняпры ўпершыню ўзначаліць Мітрапаліт Мінска-Магілёўскі арцыбіскуп Юзаф Станеўскі.
Пачатак у 18.30.
Таксама ў гэты дзень юбілей 25-годдзя манаскага жыцця будуць адзначаць сёстры з кангрэгацыі Місіянерак Святой Сям’і, якія служаць пры магілёўскай катэдры: сястра Вера Гаспаровіч MSF і сястра Вікторыя Жук MSF.
Генеральны вікарый Мінска-Магілёўскай архідыяцэзіі біскуп Аляксандр Яшэўскі SDB, адказны за Магілёўскі рэгіён, сардэчна запрашае ўсіх парафіянаў і вернікаў Магілёва на адпустовую ўрачыстасць і святкаванне парафіяльнага свята пасля святой Імшы каля катэдры.
