У панядзелак 8 жніўня ў парафіі Найсвяцейшай Панны Марыі Ружанцовай і святога Дамініка ў Ракаве (Валожынскі дэканат) адзначаць адпустовую ўрачыстасць.
З гэтай нагоды цэлебрацыю ўрачыстай святой Імшы ў ракаўскім касцёле ўзначаліць Мітрапаліт Мінска-Магілёўскі арцыбіскуп Юзаф Станеўскі.
Пачатак а 18-й гадзіне.
У маі арцыпастыр ужо наведаў парафію ў гістарычным мястэчку, дзе сустрэўся з мясцовымі вернікамі і духавенствам Валожынскага дэканату.
Пробашч парафіі ў Ракаве ксёндз канонік Дзмітрый Барыла ад імя парафіянаў шчыра запрашае ўсіх ахвотных да супольнай малітвы ва ўспамін святога Дамініка.
