Урачыстасць Маці Божай Кангрэгацкай у гродзенскай катэдры адзначаць з удзелам арцыбіскупа Станеўскага

02.08.2022 09:38 Паводле: Grodnensis.by

Фота Вольгі Сяліцкай / Grodnensis.by

5 жніўня ў гродзенскай катэдральнай базыліцы святога Францішка Ксавэрыя будзе адзначацца ўрачыстасць Маці Божай Кангрэгацкай, або Студэнцкай.

Змешчаны ў правай бочнай капліцы галоўнай святыні Гродзенскай дыяцэзіі абраз Багародзіцы лічыцца цудадзейным. Маці Божую Кангрэгацкую здаўна ўшаноўваюць тут як Апякунку студэнтаў.

Цэлебрацыю ўрачыстай святой Імшы а 19-й гадзіне ў пятніцу ўзначаліць Мітрапаліт Мінска-Магілёўскі арцыбіскуп Юзаф Станеўскі.

Пробашч гродзенскай катэдральнай парафіі ксёндз канонік Ян Кучынскі ад імя парафіянаў запрашае да супольнай малітвы ўсіх ахвотных, перадусім студэнцкую моладзь.

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.