Фота Віталія Палінеўскага
У ноч з 31 ліпеня на 1 жніўня ў Навагрудку адбудзецца малітоўнае чуванне ў 79-ю гадавіну мучаніцкай смерці благаслаўлёных сясцёр назарэтанак, мучаніц Другой сусветнай вайны.
Начное чуванне адбудзецца ў навагрудскім касцёле Перамянення Пана, які ў 2018 годзе быў абвешчаны санктуарыем Гродзенскай дыяцэзіі благаслаўлёнай Марыі Стэлы і яе дзесяці паплечніц, мучаніц Другой сусветнай вайны.
Яно распачнецца а 21-й гадзіне, а перад чуваннем на месцы мучаніцкай смерці благаслаўлёных назарэтанак у Батароўскім лесе адбудзецца святая Імша, цэлебрацыю якой узначаліць біскуп Гродзенскі Аляксандр Кашкевіч.
Праграма
- 18.00 – святая Імша ў Батароўскім лесе каля Навагрудка на месцы мучаніцкай смерці благаслаўлёных сясцёр
- 21.00 – пачатак малітоўнага чування ў навагрудскім касцёле Перамянення Пана. Літанія да благаслаўлёнай Марыі Стэлы і дзесяці яе паплечніц, мучаніц з Навагрудка
- 22.00 – канферэнцыя. Вяночак да благаслаўлёнай Марыі Стэлы і дзесяці яе паплечніц, мучаніц з Навагрудка
- 23.00 – адарацыя Найсвяцейшага Сакрамэнту, малітва праслаўлення
- 1.00 – малітва перапрашэння
- 2.00 – Крыжовы шлях з благаслаўлёнымі мучаніцамі
- 3.00 – Вяночак да Божай Міласэрнасці
- 3.15 – адарацыя Найсвяцейшага Сакрамэнту: «Хваліце, слугі, Пана…»
- 4.30 – святая Імша ў гадзіну мучаніцкай смерці благаслаўлёных сясцёр
