![](/3/images/news/2022/07/2018-07-24-lavr-0134.jpg)
Душпастырства моладзі Віцебскай дыяцэзіі запрашае вучняў школ, навучэнцаў прафесійных устаноў, студэнтаў ВНУ, а таксама працоўную моладзь, на дыяцэзіяльную сустрэчу моладзі, якая пасля двухгадовага перапынку пройдзе з 22 па 24 ліпеня ў Браславе.
Падчас сустрэчы яе ўдзельнікі будуць разважаць над словамі са Святога Пісання: «Яны трывалі ў вучэнні Апосталаў і ў супольнасці, у ламанні хлеба і ў малітвах» (Дз 2, 42), каб знайсці свой адказ на пытанне «Як трываць у Хрысце?»
Удзельнічаць у сустрэчы моладзі ў Браславе могуць як юнакі і дзяўчаты з Віцебскай дыяцэзіі, так і моладзь з іншых мясцовасцяў нашай краіны.
Сустрэча — гэта магчымасць разам у супольнасці аднагодкаў праславіць Бога, падзяліцца сваёй верай і добра, па-хрысціянску правесці час.
У праграме святая Імша, духоўныя канферэнцыі, круглыя сталы з цікавымі лектарамі, малітва праслаўлення, канцэрт і іншае.
Сустрэча адбудзецца ў Санктуарыі Маці Божай Валадаркі Азёраў у Браславе (вул. Савецкая 1).
- Пачатак: 22 ліпеня, пятніца — 17.00 (рэгістрацыя з 15.00)
- Заканчэнне: 24 ліпеня, нядзеля — 15.00
Умовы удзелу
- Узрост: 16–35 гадоў. Для непаўналетніх удзельнікаў (ад 16 да 18 гадоў) патрэбны пісьмовы дазвол ад бацькоў. Форма дазволу ТУТ>>>
- Начлег: па сем’ях і ў парафіяльным доме. Неабходна мець з сабой турыстычны дыванок і спальнік.
- Харчаванне: арганізатары забяспечваюць трохразовым харчаваннем.
- Ахвяраванне 10 руб. ад удзельніка (арганізатары могуць вызваліць ад унёску пры немагчымасці скласці ахвяраванне)
Запіс да 18 ліпеня
- Індывідуальны запіс анлайн ТУТ>>>
- Запіс групы:
- +375 (29) 566 48 33 (Viber, WhatsApp) — ксёндз Алег Хмылко
- e-mail: ddm.vicebsk@gmail.com
Для запісу групы неабходна падаць назву парафіі і спіс удзельнікаў; для кожнага ўдзельніка падаецца: імя і прозвішча, год нараджэння, нумар тэлефона. Абавязкова ўказаць кантактны тэлефон апекуна групы.