30-я пешая пілігрымка з Мінска ў Будслаў стартуе 27 чэрвеня і пройдзе пад дэвізам «Ідзём у супакоі Хрыста».
Урачыстасці ў Нацыянальным санктуарыі Маці Божай Будслаўскай сёлета пройдуць 1–2 ліпеня.
У гэтым годзе пасля двухгадовага перапынку, выкліканага пандэмічнымі абмежаваннямі, з розных куткоў Беларусі ў Будслаў зноў пойдуць пілігрымы.
Пешую пілігрымку з Мінска арганізуюць ксяндзы хрыстусоўцы, якія нясуць служэнне ў сталічнай парафіі святога Яна Евангеліста і святога Максімільяна Марыі Кольбэ.
Для ахвотных узяць удзел у пешай пілігрымцы распачалася рэгістрацыя, з праходжэннем якой арганізатары просяць не марудзіць.
Інфармацыйная падтрымка будзе здзейсняцца праз Instagram @minsk_budslau і Facebook @minsk.budslau, таксама створаны тэлеграм-чат для абмеркавання бягучых спраў.
- Па арганізацыйных пытаннях можна звяртацца да адказных святароў:
- +375 (29) 581 10 42 — кс. Алег Шпець SChr
- +375 (29) 744 25 38 — кс. Уладзімір Марушэўскі SChr
