Сёлетнія ўрачыстасці ў Нацыянальным санктуарыі Маці Божай Будслаўскай пройдуць 1–2 ліпеня пад дэвізам «Каралева супакою, маліся за нас».
Праграма Будслаўскага фэсту 2022 была зацверджана Канферэнцыяй Каталіцкіх Біскупаў у Беларусі на 84-м пленарным Пасяджэнні.
Традыцыйна цэнтральныя ўрачыстасці ў гонар Маці Божай Будслаўскай пройдуць у першую суботу ліпеня і распачнуцца напярэдадні, у пятніцу 1 ліпеня.
У 2018 годзе Будслаўскі фэст быў уключаны ЮНЕСКА ў Рэпрэзентацыйны спіс нематэрыяльнай культурнай спадчыны чалавецтва
Увага! У праграме магчымыя змены, пра якія будзе дадаткова паведамлена на партале Catholic.by.
Праграма
1 ліпеня, пятніца
- 14.00–17.00 — сустрэча і прывітанне пілігрымаў
- 18.00 — святая Імша
- 20.00 — Акафіст у выкананні хора Грэка-Каталіцкай Царквы
- 20.30 — Марыйныя Нешпары
- 23.30 — Працэсія са свечкамі з копіяй абраза Маці Божай
- 24.00 — святая Імша
2 ліпеня, субота
- 2.00 — адарацыя Найсвяцейшага Сакрамэнту (на палявым алтары)
- 2.00 — Літургія ва ўсходнім абрадзе (у касцёле на бочным алтары)
- 7.00 — Гадзінкі аб Беззаганным Зачацці Найсвяцейшай Панны Марыі
- 9.00 — Фацімскі ружанец
- 10.00 — выступы і прэзентацыі (рада па справах сям’і Мінска-Магілёўскай архідыяцэзіі, выдавецтва «Pro Christo» і рэдакцыі каталіцкіх СМІ, Дабрачыннае каталіцкае таварыства Caritas)
- 11.00 — святая Імша і Эўхарыстычная працэсія
На працягу ўсяго фэсту цудадзейны абраз Маці Божай Будслаўскай будзе даступны для ўшанавання вернікамі.
