Салезіянская моладзевая евангелізацыйная пілігрымка вырушыць 26 чэрвеня са Смаргоні і завершыцца 2 ліпеня ў Будславе на ўрачыстасці ў гонар Маці Божай Будслаўскай.
Арганізатары звярнуліся па дазвол на правядзенне пілігрымкі да кампетэнтных уладаў, які спадзяюцца неўзабаве атрымаць. Пілігрымка адбудзецца толькі пры наяўнасці дазволу.
Плануецца, што за шэсць дзён пілігрымкі яе ўдзельнікі пешкі пераадолеюць 105 кіламетраў, паўдзельнічаюць у рэкалекцыях, будуць працаваць у групах, убачаць прыгожыя краявіды нашай Бацькаўшчыны і занясуць свае інтэнцыі да Маці Божай Будслаўскай!
- Умовы ўдзелу ў пілігрымцы:
- узрост ад 14 да 35 год
- стан здароўя дазваляе ісці пешшу шэсць дзён запар у паходных умовах
- жаданне быць святым
- Пры сабе неабходна мець:
- зручны абутак
- заплечнік
- рэчы асабістай гігіены
- паходны посуд
- спальнік
- дажджавік
- намёт ці месца ў намёце на некалькі асоб.
Арганізатары асаблівым чынам нагадваюць пра сціплы стыль адзення падчас пілігрымкі.
- Анлайн-рэгістрацыя для ўдзельнікаў ТУТ>>>
Рэгістрацыя працягваецца да 20 чэрвеня ўключна.
Па пытаннях удзелу можна звяртацца па тэл.:
- +375 (29) 389 76 69 — ксёндз Павел Шчарбіцкі SDB
- +375 (29) 122 32 44 — ксёндз Алег Каралёў SDB
