У суботу 21 мая ў рэкалекцыйным доме святога Язэпа ў Воршы пройдзе счарговая сустрэча «Вінаградніка».
«Вінаграднік» — гэта не звычайныя рэкалекцыі і не курсы Бібліі. Гэта духоўная прастора ўзрастання ў веры і цнотах, трывання ў Езусе, як у сапраўднай Лазе, і асабістых адносінаў з Айцом — сапраўдным Вінаградарам.
«Духоўная сям’я. Хто мой брат і сястра?» — тэма «Вінаградніка», які пройдзе 21 мая.
«Вельмі часта даводзіцца чуць, што ўсе людзі на планеце — гэта браты і сёстры, бо ўсе паходзяць ад Адама і Евы. З аднаго боку, нібыта гэта і праўда, але з іншага боку Біблія ў многіх момантах паказвае нам, што з некаторымі нельга садзіцца за адзін стол і падаваць рукі. А вучэнне Хрыста выразна пакажа нам, што духоўная сям’я — гэта далёка не ўсе людзі на Зямлі», — адзначаецца на старонцы рэкалекцыйнага дома святога Язэпа ў Воршы ў сацыяльнай сетцы facebook.
- Пачатак сустрэчы ў 10.30, заканчэнне ў 21.00.
- Тэл. для запісу: +375 (29) 500 40 88 — Марыя
- Адрас: г. Орша, вул. Савецкая, 6.
