З 27 па 28 чэрвеня адбудзецца XII Парафіяда дзяцей і моладзі Гродзенскай дыяцэзіі. Дэвіз сёлетняй Парафіяды — «Супакой і дабро».
Парафіяда — праект, заснаваны на старажытнагрэчаскай трыядзе «святыня – тэатр – стадыён», што аб’ядноўвае духоўны, культурны і спартыўны элементы.
- Першы дзень Парафіяды пройдзе ў парафіі Найсвяцейшага Адкупіцеля (Гродна-Дзевятоўка), другі дзень — на стадыёне ЦСК «Нёман».
- Арганізатары забяспечваюць удзельнікам харчаванне, выхаваўча-рэлігійную, культурную і спартыўную праграму.
- У гэтым годзе ўдзельнікі павінны будуць самі паклапаціцца пра пражыванне (начлег).
- Элемент «святыня» ўключае біблійны конкурс, конкурс рэлігійнай песні «Sacro Song», конкурс ведаў па гісторыі і жыцці Касцёла.
- Элемент «тэатр» — конкурс малюнка, конкурс «Музыка — маё жыццё», конкурс малых тэатральных форм.
- Элемент «стадыён» — бег 60 м, бег 100 м, бег 400 м, бег 800 м, скачкі ў даўжыню з разбегу, кіданне мяча, бадмінтон, настольны тэніс, шашкі, валейбол, футбол.
- Узрост удзельнікаў — 10–19 гадоў, хлопцы і дзяўчаты.
- Катэгорыя «A» — 2009–2012 г. нар.
- Катэгорыя «B» — 2006–2008 г. нар.
- Катэгорыя «C» — 2003–2005 г. нар.
- Узнос удзельніка — 5 р.
- Максімальная колькасць удзельнікаў ад адной парафіі — 8 чалавек +1 апякун (ад парафіі можа быць і меншая група).
- Кожны ўдзельнік павінен мець з сабой дакумент, які падцвярджае яго асобу (ідэнтыфікацыйная карта, пашпарт або пасведчанне аб нараджэнні ці іх ксеракопія: старонкі 31–33 пашпарта)
- Пацвердзіць уздел у парафіядзе неабходна да 31 мая па тэл.:
- +375 (33) 624 35 22
- +375 (29) 319 54 65 — ксёндз Артур
- За парушэнне правіл удзельніка ў трыядзе «святыня — тэатр — стадыён», а таксама за неадпаведныя паводзіны арганізатары маюць права дыскваліфікаваць удзельніка або цэлую групу з Парафіяды
