![](/3/images/news/2022/03/2021-08-28-vilejka-gudagaj20.jpg)
Сёстры кармэліткі Дзіцяткі Езуса запрашаюць моладзь 15+ на велікапосную сустрэчу ў Гудагай, якая пройдзе з 1 па 3 красавіка.
Тэма малітоўнай сустрэчы — «Выбіраю жыццё».
У мястэчку Гудагай, што размешчана ў маляўнічым куточку на Астравеччыне, знаходзіцца санктуарый Маці Божай Шкаплернай, пры якім дзейнічаюць два кляштары: айцоў кармэлітаў босых і сясцёр кармэлітак Дзіцяткі Езуса.
Малітоўная сустрэча ў такім незвычайным месцы — выдатная магчымасць для юнакоў і дзяўчат паглыбіць сяброўства з Езусам і Марыяй, а таксама знайсці новых сяброў сярод сваіх аднагодкаў.
Запіс і дадатковая інфармацыя па тэл.:
+375 (29) 884 39 67 — сястра Ідалія