10 сакавіка ў парафіі Святога Духа ў Мінску (Чыжоўка) моладзь Мінска збярэцца на адарацыю і супольную малітву. Такая сустрэча на пачатку Вялікага посту будзе праходзіць ужо чацвёрты год запар.
Пачатак у 20.00.
Касцёл падчас сінадальнага працэсу шукае адказу на пытанне: наколькі мы ў місіі евангелізацыі жадаем запрашаць і быць з тымі, хто знаходзіцца побач, каб разам ісці дарогай збаўлення.
У святле неспакою ў свеце, вайны ва Украіне, якая вядзе да падзелу і братазабойства, каталіцкая моладзь запрашае аднагодкаў з усіх мінскіх парафій на пачатку Вялікага посту — асаблівага часу навяртання і пакаяння — маліцца разам перад Найсвяцейшым Сакарамэнтам аб міры, каб з Хрыстом праз сваё жыццё і ўчынкі несці мір і еднасць.
Хто жадае прыняць удзел у Эўхарыстыі, можа далучыцца да парафіяльнай святой Імшы ў касцёле Святога Духа, якая распачнецца а 19-й гадзіне.
Адрас парафіі: праезд Галадзеда, 15 В.
Дадатковая інфармацыя па тэлефоне:
+375 (29) 357 15 86 — кс. Андрэй Бурак
