Фота: Парафія Св.Яна Паўла II у Смаргонi / Вк
26 лютага ў смаргонскай парафіі святога Яна Паўла ІІ адбудзецца адарацыя Найсвяцейшага Сакрамэнту ў інтэнцыі міру і згоды ва Украіне і ва ўсім свеце.
Вернікі маладой каталіцкай супольнасці разам са сваім пробашчам ксяндзом Яўгенам Учкуронісам будуць таксама маліцца аб плённым перажыванні Вялікага посту, які распачнецца на наступным тыдні.
У парафіі цяпер знаходзяцца копіі цудадзейных абразоў Маці Божай з марыйных санктуарыяў Беларусі, і ў адпаведнасці з праграмай іх перэгрынацыі ў Смаргоні, сённяшні дзень прысвечаны гісторыі і духоўнаму значэнню абраза Маці Божай Барунскай, якую здаўна ўшаноўвалі пад тытулам Суцяшальніцы засмучаных.
- Пачатак адарацыі — у 20.00.
- Пасля заканчэння набажэнства для ўсіх удзельнікаў адбудуцца «запусты» перад Вялікім постам з пачастункам традыцыйнымі пончыкамі.
