У суботу 22 студзеня ў мінскім катэдральным касцёле Найсвяцейшага Імя Марыі ў межах Тыдня малітваў аб адзінстве хрысціянаў пройдзе экуменічнае набажэнства з удзелам прадстаўнікоў розных хрысціянскіх канфесій.
Малітву ўзначаліць біскуп Юрый Касабуцкі, Генеральны выкарый Мінска-Магілёўскай архідыяцэзіі.
Пачатак у 19.15.
Экуменічнаму набажэнству ў галоўнай святыні Мінска-Магілёўскай архідыяцэзіі будзе папярэднічаць святая Імша ў інтэнцыі адзінства хрысціянаў, якая распачнецца ў 18.30.
Традыцыйна Тыдзень малітваў аб адзінстве хрысціянаў праходзіць ва ўсім свеце з 18 па 25 студзеня.
Сёлета яго тэмай сталі словы з Евангелля паводле Мацвея: «Мы бачылі зорку Ягоную на ўсходзе і прыйшлі пакланіцца Яму» (Мц 2, 2).
Матэрыялы на сёлетні Тыдзень малітваў аб адзінстве хрысціянаў былі падрыхтаваныя Радай Касцёлаў Блізкага Усходу і зацверджаны Сусветнай Радай Касцёлаў і Папскай радай спрыяння хрысціянскаму адзінству.
- Матэрыялы Тыдня малітваў аб адзінстве хрысціянаў ТУТ>>>
Тэмы паасобных дзён Тыдня малітваў аб адзінстве хрысціянаў на 2022 год гучаць наступным чынам:
- 1-ы дзень, 18 студзеня: «Мы бачылі зорку Ягоную на ўсходзе» (Мц 2, 2)
Падымі нас і прыцягні да свайго дзівоснага святла - 2-і дзень, 19 студзеня: «Дзе народжаны Кароль юдэйскі?» (Мц 2, 2)
Пакорнае кіраванне разбурае муры і будуе з любоўю - 3-і дзень, 20 студзеня: «Пачуўшы гэта, кароль Ірад занепакоіўся, і ўвесь Ерузалем з ім » (Мц 2, 3)
Прысутнасць Хрыста пераварочвае свет дагары нагамі - 4-ы дзень, 21 студзеня: «І ты, Бэтлеем <…> нічым не меншы » (Мц 2, 6)
Хоць малыя і церпячыя, ні ў чым не маем нястачы - 5-ы дзень, 22 студзеня: «Зорка, якую бачылі на ўсходзе, ішла перад імі» (Мц 2, 9)
Ведзеныя адным Панам - 6-ы дзень, 23 студзеня: «Убачылі Дзіця з Марыяй, Маці Яго. Упаўшы, пакланіліся Яму» (Мц 2, 11)
Сабраныя ў праслаўленні вакол Аднаго Пана - 7-ы дзень, 24 студзеня: «Адчыніўшы скарбніцы свае, ахвяравалі Яму дары: золата, кадзіла і міра» (Мц 2, 11)
Дары супольнасці - 8-ы дзень, 25 студзеня: «Адышлі ў сваю краіну іншай дарогай» (Мц 2, 12)
Мінаючы вядомыя дарогі падзелу да новых Божых сцежак
