З 25 снежня 2021 года па 15 студзеня 2022 года ў мінскім касцёле Найсвяцейшай Тройцы (святога Роха) на Залатой Горцы адбудуцца традыцыйныя калядныя вечары духоўнай музыкі.
Гісторыя фестывалю распачалася ў 2003 годзе, і за гэты час ён паспеў стаць адной з адметнасцей Залатагорскай святыні.
Сёлета запланавана 13 праграм духоўнай музыкі: арганнай, камернай і вакальнай.
Сярод іх арганныя канцэрты беларускіх арганістаў Вікторыі Куцько (Пінск), Кацярыны Нікалаевай, Ганны Лабкоўскай, Аляксандры Галубцовай (Мінск), Фёдара Марозава (Масква). Два канцэрты прадставяць сямейныя дуэты арганістаў Ганны і Паліны Горбач, Лізаветы і Ірыны Марозавых.
З харавой традыцыяй калядных спеваў пазнаёміць Дзяржаўны камерны хор пад кіраўніцтвам Наталлі Міхайлавай.
Традыцыйна шэраг вечароў прысвечаны фальклорнай традыцыі святкавання Калядаў. Сёлета гэта будуць прэм’ерныя праграмы беларускага гурта «Астроўна», гуслева-спеўны вечар з Алесем Чумаковым, праграма ансамбля украінскай песні і абраду «Ватра». Акадэмічную ансамблевую музыку ад барока да нашых дзён прадставяць Духавы квінтэт Вялікага тэатра Беларусі, ансамбль клавесіністкі і арганісткі Юліі Бурдзялёвай, Камерны музычны тэатр «Амадэй і К» Ірыны Лой.
- Мінскі касцёл Найсвяцейшай Тройцы (св. Роха), пр. Незалежнасці, 44-А
- Пачатак канцэртаў — 20.00
- На канцэртах збіраюцца ахвяраванні ў памеры 7 рублёў
Праграма фестывалю
- 25 снежня, субота
Вечар арганнай музыкі
Фёдар Марозаў (арган, Масква)
У праграме: Ё.С. Бах, Н. дэ Грыньі, Л.К. Дакен, Н. Брунс, Ф. Куперэн, В. Любэк, Л. Вьерн
- 27 снежня, панядзелак
Вечар арганнай і камернай музыкі
Таццяна Кармазінава (флейта)
Яўген Шымановіч (кларнет)
Кацярына Нікалаева (арган)
У праграме: Ё.С. Бах, Г.Ф. Гендэль, М. Радзівіл, В.А. Моцарт, Н. Арталана, Ш.М. Відор, Ж. Руф
- 28 снежня, аўторак
Вечар камернай музыкі
Міхаіл Марцінкевіч (флейта)
Эдуард Гводзь (віяланчэль)
Юлія Бурдзялёва (клавесін)
У праграме: Ё.С. Бах, Г.Ф. Гендэль, Ж.Ф. Рамо, К. Бальбастр, Ё. Гайдн, Г.Ф. Тэлеман
- 29 снежня, серада
Вечар арганнай музыкі
Вікторыя Куцько (арган, Пінск)
У праграме: Ж.Н. Леменс — Фанфара
Х. Вагенер — Арганная партыта «O Heiland, reiß die Himmel auf» op. 14
Д. Букстэхудэ — «Wie schön leuchtet der Morgenstern»
Ё. Пахельбель — Пастараль «Vom Himmel hoch, da komm ich her»
Ж.К. Дакен — Noёl № 10
Л. Дзітэ — Пастаральная партыта «Es ist ein Reis entsprungen» (паводле тэм М. Прэторыюса)
Л.Дзітэ — Пастараль «Stille Nacht, heilige Nacht» (на тэму Ф. Грубера)
К.Ф.Э. Бах — Саната Wq70/1 Ля мажор (Allegro – Andante con Tenerezza – Allegretto)
Г.А. Меркель — Фантазія op.176 №5
О. Маха — Калядная таката
- 30 снежня, чацвер
Калядныя песні з усяго свету пад гуслі і па-беларуску
Таццяна Ячная (спевы)
Алесь Чумакоў (гуслі)
- 3 студзеня, панядзелак
Вечар камернай музыкі
Духавы квінтэт НАВТ РБ
Дзіяна Гантарэнка (флейта)
Аляксандр Папсуеў (габой)
Віктар Пузыня (кларнет)
Віталь Карабухін (валторна)
Андрэй Гузееў (фагот)
У праграме:
К.Ф.Э. Бах — Арыя і Прэлюдыя
Л.В. Бетховен — Тэма з варыяцыямі
І. Стравінскі — Сюіта «Пульчынела» паводле тэм Пергалезі
А. Шнітке — «Сюіта ў старадаўнім стылі»
Г. Фарэ — Фуга Фа мажор
Дж. Онсла — Духавы квінтэт
- 4 студзеня, аўторак
Вечар арганнай і камернай музыкі
Лізавета Марозава (арган)
Ірына Марозава (цымбалы)
У праграме:
Д. Тарціні — Саната для цымбал і аргана До мажор
Н.дэ Грыньі — «Ave maris Stella» («Вітай, Зорка мора»)
Ё.С.Бах — Харальная прэлюдыя «Wachet Auf ruft uns die Stimme»
Ё.С.Бах — Трыа-саната Мі-бемоль мажор для аргана сола
Гімны на Божае Нараджэнне ў апрацоўцы для цымбал і аргана («Silent night», «The Herald angels sings»)
С. Франк — Гераічная п’еса
- 5 студзеня, серада
«За святлом Бэтлеемскай зоркі» — Святочная праграма Дзяржаўнага камернага хору Рэспублікі Беларусь
Мастацкі кіраўнік і дырыжор Наталля Міхайлава
Салісты:
Арына Аляксеева (сапрана)
Вераніка Чарняўская (сапрана)
Кацярына Крашчук (мэцца-сапрана)
Павел Кудрын (флейта)
Віктар Кісцень (арган)
У праграме: калядныя псальмы, творы Ё.С.Баха, Г.Ф. Гендэля, В. Кісцяня, Э. Эшэнвалдса і інш.
- 6 студзеня, чацвер
Вечар арганнай і камернай музыкі
Ганна Горбач (арган)
Паліна Горбач (віяланчэль)
У праграме: Я. Фробергер, Ё.С. Бах, Ё. Райнбергер, М. Рэгер, Л. Боэльман
8 студзеня, субота
Фальклорны гурт «Астроўна» з праграмай «Месяц узышоў»
Беларускія традыцыйныя калядныя спевы
Кацярына Аракчэева (спеў)
Ганна Сілівончык (спеў)
Яраш Малішэўскі (колавая ліра, гуслі, дуда, акарыны, скрыпка)
- 10 студзеня, панядзелак
Вечар арганнай і камернай музыкі
Аляксандра Галубцова (арган)
Ганна Лабкоўская (арган)
Надзея Міцэвіч (сапрана)
У праграме:
Ё.Г. Райнбергер — «Ойча наш»
Г. Бём — Прэлюдыя До мажор
Д. Букстэхудэ — Харал «Der Tag, der ist so freudenreich»
Ё.С. Бах — Трыа-саната мі мінор
Ё.С. Бах — Харальная прэлюдыя «Liebster Jesu, wir sind hier»
А. Рынк — Варыяцыі
Г. Гессэ — Фантазія до мінор
Г. Гессэ — Фантазія рэ мінор
- 12 студзеня, серада
Калядная мicтэрыя «Veni Emmanuel»
Лаўрэаты мiжнародных конкурсаў
Ірына Лой (сапрана)
Ансамбль салiстаў «Амадэй»
Хор «Пунсовыя Ветразi», дырыжор Уладзімір Лой
У праграме: старадаўнія беларускія канты, творы Ё.С. Баха, Г.Ф. Гендэля, А. Страдэлы, Г.Ф. Тэлемана, А. Карэллі
- 15 студзеня, субота
Ансамбль украінскай песні і абраду «Ватра» Рэспубліканскага цэнтра нацыянальных культур
Мастацкі кіраўнік і хормайстар Аляксандр Валодчанка
У праграме: беларускія і ўкраінскія традыцыйныя калядныя спевы
