З 19 па 21 лістапада ў парафіі святога Казіміра ва Уселюбе, што на Навагрудчыне, адбудуцца рэкалекцыі на тэму «Жаноцкасць: Божы дызайн».
Рэкалекцыі праводзіць пробашч уселюбскай парафіі ксёндз Віталій Цыбульскі.
Заахвочваючы да ўдзелу ў духоўных практыкаваннях, святар кажа: «Паводле Святого Пісання, жаноцкасць — гэта не проста адна з якасцяў <…>.
Жаноцкасць — гэта сутнасць ідэнтычнасці жанчыны ў адпаведнасці з тым, як яе стварыў Бог.
Яна характарызуецца некалькімі ключавымі фактарамі: прысвячэннем, адносінамі, каштоўнасцю і ўплывам жанчыны.
Тое, у чым жанчына бачыць мэту і сэнс свайго жыцця, ў велізарнай ступені вызначае, якой яна будзе. Біблія кажа, што такой мэтай, перш за ўсё, для жанчыны павінна стаць пабожнасць. Што гэта такое і як пабожнасць у штодзённым жыцці фармуе жаноцкасць — пра гэта і іншае пойдзе гаворка падчас рэкалекцый», — зазначае ксёндз Віталій.
- Пачатак рэкалекцый — пятніца 19 лістапада, 19.00.
- Заканчэнне: нядзеля 21 лістапада, 13.30.
Адрас: касцёл святога Казіміра, вул. Чырвонаармейская, 20, а.г. Уселюб, Навагрудскі раён, Гродзенская вобласць
Кантакт для атрымання дадатковай інфармацыі і запісу:
- тэл.: +375 (29) 280 05 45
- e-mail: casimir1433@gmail.com
Паглядзець праграму рэкалекцый на 2021–2022 год ва Уселюбе і дааведацца пра тое, як дабрацца, можна па спасылцы ТУТ>>>
